Ministri i punëve të jashtme, Bujar Osmani, niset nga Roma për takim ministror të Nato-s në Bruksel. Fokusi i bisedimeve do të jetë mbështetja e politikës së dyerve të hapura të NATO-s, e cila konfirmohet nga pranimi i Finlandës, si vendi i 31-të anëtar i Aleancës.
Në të njëjtën kohë, do të diskutohen sfidat e sigurisë aktuale, mbështetja për Ukrainën dhe pasojat e agresionit ushtarak rus. Takimi do të hapë rrugën për përgatitjen e radhës për samitin e ardhshëm të NATO-s dhe do të diskutohen mënyrat për përmirësimin e bashkëpunimit me partnerët, për t’iu përgjigjur së bashku kërcënimeve dhe sfidave me të cilat përballen anëtarët e NATO-s, thuhet në njoftimin e NATO-s për Ministrinë e Punëve të Jashtme./PrishtinaPress/
