Berisha: Edhe ”Liria ka emër” do të përdoret kundër të arrestuarve në Hagë

Avokati Besnik Berisha ka thënë në emisionin Pressing në T7 se emocionet duhen të lihen anash teksa veçse ka filluar gjyqi ndaj ish-krerëve të Ushtrisë Çlirimtare të Kosovës.

Berisha ka thënë se në aktakuza sot u përdoren edhe angazhimet e mediave në Kosovë dhe fushata “Liria ka emër”.

Ai shtoi se kjo fushatë do të përdoret edhe në të ardhmen, ashtu sikurse edhe marshi i të dielës.

“Kujdes, edhe “Liria ka emër” do të përdoret kundër të arrestuarve në Hagë”, tha ai.