Kryetari i Partisë Demokratike të Kosovës, Memli Krasniqi është shprehur mirënjohës ndaj atyre që marshuan sot në sheshet e Prishtinës.
“Nga zemra, ju jam mirënjohës gjithsecilit prej jush, që me ndërgjegje të lartë patriotike e kombëtare, me vetëdije të lartë qytetare e shtetërore, bashkë me familjet tuaja marshuat për drejtësi, për t’ia dhënë një pamje kaq emocionuese Kosovës”, ka shkruar Krasniqi në rrjetin social Facebook.
Gjatë fjalimit të tij, Krasniqi tha se lavdia e Ushtrisë Çlirimtare të Kosovës nuk mund pakësohet me kalimin e viteve, e as nuk tjetërsohet me ndryshimin e gjeneratave.
Në “Marshin për Drejtësi” të organizuar nga PDK-ja, morën pjesë mijëra qytetarë të Kosovës.
Ata kërkuan drejtësi për krerët e UÇK-së të cilët po gjykohen në Hagë me pretendimet për krime lufte.
