Kryeministri i Kosovës, Albin Kurti, ka treguar pse nuk ka vizituar ende ish-krerët e UÇK-së që gjenden në Hagë.
Ai ka thënë se mendon që vizita e tij atje nuk do të ndihmonte.
“Unë kam konsideruar se vizita ime atje nuk ndihmon. Më shumë ndikon takimi me avokatët sepse jam i interesuar që ata të ndajnë me mua se cka krejt planifikojnë ta bëjnë si mbrojtje, e pastaj të koordinohemi se kurrsesi të mos dëmtohet lufta e UÇK-së”, tha ai në Dukagjini.
Ai shtoi se është imperative që të mbrohet edhe lufta e UÇK-së.
“Kjo është më e rëndësishmja për mua. Si mund të mbrojmë luftën nacional çlirimtare, kjo është më e rëndësishme se sa mbrojtja e vetëm një klienti, që e bën një avokat. Unë them se lufta jonë ka qenë e drejtë dhe duhet të mbrohet”, përfundoi ai.
