Injeksionet e botoksit mund të dëmtojnë aftësinë e trurit për të shprehur emocionet.
Në një studim, pjesëmarrësve që kishin bërë injeksione kundër plakjes u kishte ndryshuar aktiviteti i trurit në zonat që lidhen me emocionet, raporton DailyMail.
Rreth 900,000 britanikë bëjnë injeksione Botox çdo vit, ku një përbërës i quajtur toksina botulinum injektohet në zona të fytyrës, si balli dhe rreth syve dhe gojës. Kjo procedurë relakson muskujt nën lëkurë duke bllokuar sinjalet nervore që shkaktojnë tkurrjen e tyre, duke zbutur rrudhat.
Megjithatë, kjo gjithashtu mund të zvogëlojë aftësinë e individëve për të shprehur emocionet me shprehjet e fytyrës.
Në studim, shkencëtarët kryen skanime të trurit në dhjetë gra përpara injeksioneve të botoksit në ballë dhe përsëri dy deri në tre javë më vonë. Gjatë skanimeve, pjesëmarrësit duhej të përpiqeshin të dallonin zemërimin dhe lumturinë në fotografitë e fytyrave.
Rezultatet zbuluan se pas Botox-it kishte një aktivitet të ndryshuar në zonat e trurit të përfshira me përpunimin emocional.
Ekspertët thonë se gjetjet e studimit tregojnë se pamundësia për të buzëqeshur ose për të vrenjtur vetullat, e cila mund të jetë rezultat i Botox-it, ndikon gjithashtu në mënyrën se si individët lexojnë fytyrat e tjera.
“Mund të mos jeni në gjendje t’i përjetoni emocionet e dikujt tjetër aq intensivisht apo gjallërisht sa do të dëshironit”, thonë ekspertët./PrishtinaPress/
