Dy persona nga Shkodra janë ndaluar në qytetin e Vlorës, pasi dyshohet se kanë lidhje me atentatin e orëve të para të mëngjesit në ambientet e Top Channel, ku mbeti i vrarë roja Pal Kola, 60-vjeç.
Mësohet se dy shkodranët kanë qenë duke lëvizur me makinë pas ngjarjes dhe ndalimi është kryer pas një pike kontrolli.
Për të shuar këtë dyshim një grup hetimor është nisur në Vlorë për t’i shoqëruar drejt Tiranës këto dy persona me qëllim marrjen në pyetje.
Dy shkodranët janë ndaluar edhe për shkakun se mjeti me të cilin kanë udhëtuar autorët e sulmit ka lidhje me qytetin Vlorës dhe se ishte grabitur në Shkodër./voxnews.
