Policia ka njoftuar se po kërkohet një i dyshuar për ngacmim në Prizren,
Ajo ka bërë të ditur se ndaj të dyshuarit është hapur vepër penale që me datën 28/02/2023, kur edhe është parë për herë të fundit, gjegjësisht në rrugën “William Walker” në Prizren, pranë hyrjes së objektit të banimit “RAFII”, transmeton PrishtinaPress.
Në njoftimin e saj Policia e Kosovës, përmes disa fotove që ka nxjerrë nga kamerat e sigurisë, ka kërkuar bashkëpunimin e qytetarëve në identifikimin dhe arrestimin e të dyshuarit në fjalë.
Njoftimi i plotë i Policisë:
Kërkohet një i dyshuar për ngacmim
Prizren, 24 Mars 2023
Sektori i Hetimeve të Stacionit policor Prizren është duke zhvilluar hetime lidhur me veprën penale Ngacmim që ka ndodhur më datë 28/02/2023, ora 19:15, në rrugën “Ëilliam Ëalker” në
Prizren, pranë hyrjes së objektit të banimit “RAFII”.
Sektori i hetimeve pas marrjes së rastit për hetim ka bërë përpjekje maksimale në ndriçim të veprës penale dhe ka siguruar pamjet nga kamerat e sigurisë të instaluara pranë vendit të ngjarjes ku i dyshuari shihet në filmim.
Pamjet nga kamerat e sigurisë nuk janë shumë cilësore, ndaj edhe pas përpjekjeve të bëra nuk kemi mundur të identifikojmë ende kryesin e kësaj vepre.
Vlen të ceket se i njëjti person dyshohet se ka kryer edhe disa raste të tjera të ngjashme në një periudhë disaditore të cilët janë të raportuara në Stacion Policor Prizren.
Me qëllimin që të zbulohet sa më pare vendndodhja dhe identiteti i tij, nga Prokurori i Shtetit lëshohet “Autorizim” për publikimin e fotografive të mara nga kamerat e sigurisë .
Andaj kërkojmë bashkëpunim nga të gjithë qytetarët, që nëse kane çfarëdo informate , apo din diçka për vendndodhjen e të dyshuarit në foto, të raportojnë policinë në Prizren , apo në cilin do stacion të policisë në Kosovë./PrishtinaPress/
