Analisti politik Jusuf Thaçi me anë të një shkrimi të gjatë ka argumentuar se si për të, ekziston vetëm një zgjidhje politike për marrëveshje me Serbinë. Sipas Thaçit tashmë ka mbetur vetëm ripërcaktimi i kufijve si zgjidhja e vetme e mundshme.
Sipas Thaçit meqenëse edhe Vetëvendosje e ka pranuar Zajednicën, apo siç shprehet Ai, ka rënë kështjella e fundit që rezistonte për Zajednicën.
“Ripërcaktimi i kufijve mes Kosovës dhe Serbisë: zgjidhja e vetme e mundshme që ka mbetur për zgjidhjen e problemit mes Kosovës dhe Serbisë
Tashmë që kështjella e fundit që rezistonte kundër Zajednicës/Asociacionit ra (Albin Kurti dhe LVV-ja), në horizont mund të shihet vetëm një zgjidhje e mundshme për zgjidhjen e problemit mes Kosovës dhe Serbisë (meqë Zajednica nuk duhet të lejohet assesi në Kosovë, as e fortë e as e dobët, sepse çfarëdo mekanizmi a ingerence shtesë për komunitetin serb në Kosovë nga ato që aktualisht ata kanë me kushtetutën dhe me ligjet e Kosovës do të jetë dëmtim shtesë i funksionalitetit të shtetit të Kosovës).” – ka shkruar ndër të tjera Thaçi.
Kujtojmë se z. Jusuf Thaçi është ndër kritikët më të mëdhenj të Asociacionit të Komunave me Shumicë Serbe.
