Kosova dhe Serbia përgjatë dy viteve arritën disa marrëveshje të vogla dhe një marrëveshje më të madhe së fundmi.
Kryeministri Albin Kurti në mbledhjen e sotme të Qeverisë renditi disa nga sukseset që, sipas tij, e karakterizuan qeverisjen dyvjeçare të tij.
Por marrëveshjet me Serbinë nuk i futi aty.
Në fund të fjalës së tij, Kurti iu tha ministrave që ditët dhe javët e ardhshme t’i prezantojnë para qytetarëve “një nga një” vendimet e dikastereve që i udhëheqin.
“…E shumë vendime e nisma të tjera me rëndësi, për të cilat, të dashur anëtarë të kabinetit qeveritar, ju ftoj që ditëve e javëve në vijim t’i prezantoni para qytetarëve një nga një, siç është fushëveprimtaria e ministrive që ju i udhëheqni”, tha Kurti.
