Policia e Kosovës, sot në orët e pasdites ka intervistuar në stacion policor kreun e Federatës së Futbollit të Kosovës, Agim Ademin.
IndeksOnline ka raportuar se Ademit i është lënë ftesa për tu paraqitur te Krimet Ekonomike në lidhje me një rast që po hetohet.
Lajmi është konfirmuar tani edhe nga Policia e Kosovës.
Komunikata e policisë:
Policia e Kosovës, sot në orët e pasditës ka intervistuar në stacion policor një person/zyrtar të Federatës së Futbollit të Kosovës, i cili pas intervistimit me urdhër të prokurorit është liruar.
Ndërsa raportimi në media për kinse arrestimin e kreut të FFK-së nuk qëndron dhe se nuk ka ndonjë urdhër arrest siç raportohet, por të njëjtit i është lënë një ftesë për tu paraqitur në polici për intervistim gjatë ditës së nesërme.
Të gjitha veprimet e mëtejme do të ndërmerren në bashkëpunim dhe koordinim me organet e drejtësisë.
