Qeveria në Mbretërinë e Bashkuar po përpiqet të gjejë një blerës në Lindjen e Mesme për degën britanike të bankës amerikane Silicon Valley Bank (SVB UK) në mënyrë që të parandalojë që pasojat nga kolapsi i SVB të përhapen në sektorin e teknologjisë, thuhet në një raport të publikuar sot në “The Financial Times”.
SVB UK ka 7 miliardë paund (8.42 miliardë dollarë) depozita në Bankën e Anglisë (BoE) duke e konsideruar atë një bankë të dështuar të premten, tha i njëjti publikim, duke cituar burime të njohura me këtë çështje.
Blerësi i Lindjes së Mesme ka një rol udhëheqës në paraqitjen e ofertave për blerjen, thuhet në raport.
SHBA: Shpëtimi i Bankës së Silicon Valley nuk konsiderohet
Sekretarja e Thesarit e SHBA-së, Janet Yellen tha sot se ajo po punon ngushtë me rregullatorët përkatës të bankave amerikane për t’iu përgjigjur kolapsit të Silicon Valley Bank (SVB) për të mbrojtur depozituesit, duke deklaruar, megjithatë, se një shpëtim i madh financiar nuk po shqyrtohet.
“Më lejoni të jem e qartë se gjatë krizës financiare kishte investitorë dhe pronarë të bankave të mëdha sistematike që u shpëtuan financiarisht… Reformat që janë vendosur do të thotë se ne nuk do ta bëjmë më këtë”, tha Yellen në lajmet e së dielës në mëngjes të CBS.
“Megjithatë, ne jemi të shqetësuar për depozituesit dhe po përqendrojmë vëmendjen tonë në plotësimin e nevojave të tyre ,” tha Yellen.
