Sulmuesi i Hamburgut ishte një ish-anëtar i Dëshmitarëve të Jehovait. Se çfarë do të thotë të dalësh nga sekti dhe si mund të ndodhë një akt i tillë i përgjakshëm, e shpjegon për Blick, Micha Barth.
Të enjten në mbrëmje u regjistruan të shtëna në një shërbim të Dëshmitarëve të Jehovait në Hamburg (D).
Masakra me 8 viktima në Hamburg, psikologia flet për akt dëshpërimi: Ja çfarë ndodh me të dëbuarit nga Dëshmitarët e Jehovait
Shtatë persona janë vrarë nga të shtënat dhe disa janë plagosur rëndë.
Autori Philipp F.* 35 vjeç, ish-anëtar i sektit. Me të mbërritur policia në vendin e krimit ai vret dhe veten.
Bankieri mësohet se është larguar nga komuniteti fetar një vit e gjysmë më parë.
Me sa duket jo me të mira, siç njoftuan autoritetet hetuese të Hamburgut në një konferencë për media.
Micha Barth 45 vjeçe e di se çfarë do të thotë të jesh i përjashtuar nga komuniteti fetar.
Së bashku me gruan e tij Natalie 44 vjeçe, ai ishte anëtar i sektit deri në vitin 2018 dhe mund të imagjinojë se dalja mund ta kishte motivuar sulmuesin për të kryer një gjakderdhje.
«Nëse dëshiron të dalësh, duhet të njoftosh pleqtë e kongregacionit. Pas kësaj, duhet të siguroheni personalisht ose përmes telefonit se vërtet dëshironi të largoheni”, shpjegon Barth.
“Kur kjo të bëhet, vendimi do t’i shpallet asamblesë dhe pastaj çdo anëtar do të dijë se çfarë të bëjë: të ndërpresë kontaktin.
“S’ka seks para martesës dhe as transfuzion gjaku”
Dëshmitarët e Jehovait shpesh dëshirojnë të përdorin mjedisin shoqëror si një mjet presioni.
Takimet do të mbaheshin dy herë në javë ku anëtarët do të informoheshin për të drejtat dhe detyrat e tyre.
Kjo bëhet, për shembull, me lexime nga “Kulla e Rojës”, revista e bashkësisë fetare.
“Është një program shumë specifik. Pas studimit të ‘Kullës së Rojës’, ka gjithmonë një seancë pyetje-përgjigje dhe shpjegohet sërish se çfarë e klasifikon organizata si të drejtë dhe çfarë të gabuar”, tregon ai.
Ai vetë ka lindur në sekt.
«Për Dëshmitarët e Jehovait ka një Zot, Jehovai.Në varësi të drejtpërdrejtë të tij është organizata tokësore e administruar nga tetë njerëz në Nju Jork. Ata janë të ndikuar drejtpërdrejtë nga Zoti dhe vendosin mësimet dhe parimet,” shpjegon Barth.
Ai kurrë nuk e kuptoi vërtet të gjithë këtë, por:
“Nuk doja të isha barrë për nënën dhe gjyshen time, sepse babai im pati një aksident dhe kjo është arsyeja pse unë vrapova drej tyre”.
Izolimi social si mjet presioni
Sot ai mund të tundë kokën vetëm për rregullat strikte të sektit.
“Për shembull, nuk ka seks para martesës dhe as transfuzion gjaku – edhe nëse jeni duke vdekur ose nëse keni fëmijë. Shkuarja në kolegj është gjithashtu e neveritshme: njeriu duhet t’i kushtojë të gjithë kohën Zotit dhe kulti e sheh kolegjin si një shpërqendrim.”
Përveç kësaj, gratë praktikisht nuk kanë të drejta në komunitet, vendimmarrësit janë burrat.
Miqësitë jashtë sektit nuk tolerohen:
“Dhe nëse më pas vendosni të largoheni, do të përjashtoheni plotësisht nga sekti dhe çdo kontakt, madje edhe me familjen është tabu.”
Anëtarët e bëjnë këtë shumë fort, thotë ai dhe jep një shembull:
“Gruaja ime deri më sot nuk ka qenë më në kontakt me familjen e saj, madje edhe kur nëna vdiq vitin e kaluar, nuk kishte asnjë kontakt”.
Izolimi total social
Thelbi i çështjes: “Nëse keni lindur në sekt dhe nuk keni pasur kurrë miqësi jashtë, është e vështirë për ju të vendosni kontakte të reja shoqërore”.
Ju jetoni plotësisht të izoluar nga shoqëria. Dhe pikërisht kjo bëri që shumë nga ata që ishin larguar të kthehen në sekt nga vetmia dhe dëshpërimi.
“Mund ta imagjinoj të njëjtën gjë me rastin në Hamburg: nëse një burrë përjashtohet nga organizata dhe nuk lejohet më të shohë gruan, fëmijët, miqtë dhe familjen e tij, atëherë akte të tilla janë mjaft të imagjinueshme”, thotë Micha Barth për Blick.
“Është absolutisht e tmerrshme ajo që një kult mund t’u bëjë njerëzve.”
