Në një postim në rrjetin social facebook, ai ka shkruar se Stenimeir dhe kancelarja Merkel do t’i adresojnë përgjegjësitë dhe sfidat e vendeve të BE-së dhe Ballkanit Perëndimor, transmeton lajmi.net
“Roli i Gjermanisë është dëshmuar si vendimtar për stabilitetin në rajon, kurse mbështetja gjermane për Kosovën ka ndikuar shumë edhe në forcimin e subjektivitetit tonë ndërkombëtar”, ka shkruar Thaçi në facebook.
Ai është shprehur i bindur se zgjedhja e Steinmeier si president, do t’i rris bashkëpunimet ndërshtetërore mes Gjermanisë dhe Kosovës
Lexo postimin e plotë:
Në emër të popullit dhe institucioneve tona, mikut të dëshmuar të Kosovës, Frank-Ëalter Steinmeier, ia uroj zgjedhjen e tij President i Republikës Federale të Gjermanisë.
Jam i bindur se presidenti i zgjedhur Steinmeier dhe kancelarja Merkel do t’i adresojnë me përgjegjësitë më të larta të gjitha sfidat me të cilat po ballafaqohen shtetet e Bashkimit Evropian dhe të Ballkanit Perëndimor.
Roli i Gjermanisë është dëshmuar si vendimtar për stabilitetin në rajon, kurse mbështetja gjermane për Kosovën ka ndikuar shumë edhe në forcimin e subjektivitetit tonë ndërkombëtar.
Miku i Kosovës, Frank-Ëalter Steinmeier, ka qenë mbështetës i vazhdueshëm edhe sa ishte Ministër i Jashtëm i Gjermanisë, veçanërisht për dialogun me Serbinë, ndaj të cilit ne mbesim të angazhuar deri në
