Deputetja e PDK-së, Ganimete Musliu, ka treguar për një letër që ia kishte dërguar bashkëshorti i presidentes Vjosa Osmani, në një zarf me emrin e të parës së vendit.
Musliu tha se në letër kishte kërcënime me padi nga Prindon Sadriu në lidhje me një deklaratë të saj.
“Shkoj e hapi sirtarin ku na vjen posta dhe shkruan për Ganimete Musliun nga Presidentja e Republikës së Kosovës, Vjosa Osmani. E marr ta hapi. Kur e çeli e kam kërcënimin se do të më padisë Prindon Sadriu mua se e kam dhënë një deklaratë, ku kam thënë se Prindon Sadriu s’ka pasur të drejtë ta veshë uniformën në Defender 2020 a 2021. Dhe ai po do të më padisë mua në emër të presidentes”, u shpreh Musliu në Rubikon të Klan Kosova.
Sipas Musliut, bashkëshorti s’ka të drejtë ta përdorë emrin e presidentes.
