Presidenti i Kosovës, Hashim Thaçi, ka uruar Majlinda Kelmendin e Distria Krasniqin përmes një postimi në llogarinë e tij në Facebook.
Kampionia olimpike, Majlinda Kelmendi, fitoi medaljen e Artë në Grand Slam të Parisit pasi e mposhti japonezen Natsumi Tsunoda, duke ngritur kështu edhe njëherë emrin dhe flamurin e Kosovës në nivelin më të lartë, derisa Distria fitoi medaljen e Bronztë.
“Majlinda, Nora, Distria dhe Akili, me sukseset e tyre na bën krenarë edhe sot në Paris. Xhudo dhe sporti kosovar po shndërrohen në shtyllat më të forta të identitet tonë shtetëror. Urime sportistëve, trajnerëve dhe gjithë qytetarëve të Kosovës”, ka shkruar Thaçi në llogarinë e tij në Facebook.
