Rusia ka kryer sulme ndaj një blloku apartamentesh pesë-katëshe në Zaporizhzhia të Ukrainës gjatë natës, duke vrarë të paktën dy persona, tha kryebashkiaku në detyrë i qytetit, Anatoly Kurtev.
Ekipet e shpëtimit janë duke kërkuar për të mbijetuar nën rrënoja.
“Ndërtesa ishte pothuajse tërësisht e shkatërruar”, tha Kurtev.
Administrata Rajonale Ushtarake e Zaporizhzhias tha se Rusia duket se ka përdorur një raketë S-300, raporton Guardian.
Olena Zelenska, zonja e parë e Ukrainës, ka postuar në Twitter për sulmin gjatë natës në Zaporizhzhia, duke shkruar: “Zaporizhzhia i reziston me guxim agresorit rus. Si hakmarrje, sulmon civilët. Një ndërtesë shumëkatëshe është goditur qëllimisht mbrëmë. Tre kate janë shkatërruar plotësisht. Njerëzit vdiqën. Vazhdojmë të kërkojmë nën rrënoja. Ngushëllimet e mia për viktimat. Ne nuk do ta falim këtë”.
