Guvernatori i Bankës Qendrore të Kosovës (BQK), Fehmi Mehmeti ka dhënë sqarime pas deklaratave të kryesuesit të Bordit, Bashkim Nurboja para Komisionit për Buxhet, Punë dhe Transfere lidhur me integritetin dhe arsyetimet për mospërfshirjen në listën e emrave të kandidatëve të parin e këtij institucioni.
Mehmeti me anë të një reagimi publik thotë se nga data 28 mars të vitit 2022, Bordi i BQK-së është njoftuar se për shkak të gjendjes jo të mirë shëndetësore, kompetencat e guvernatorit i janë deleguar zëvendësguvernatorit.
“Gjatë kohës që kam qenë në pushim mjekësor, një sigurues, i cili ka rezultuar në mungesë të kapitalit, ka plotësuar këtë mungesë me injektim të kapitalit dhe ushtruesi i detyrës të guvernatorit ka lëshuar komunikatën lidhur me përputhshmërinë e sektorit të sigurimeve me kërkesat ligjore të BQK-së”, thekson Mehmeti.
