“Alo” e Vuçiqit sulmon Biserkon që festoi pavarësinë e Kosovës në Beograd

Gazeta serbe “Alo” e cila është në shërbim të regjimit të Aleksander Vuçiqit ka shënjestruar sot Sonja Biserkon e cila ka marrë pjesë në organizimin e Zyrës Ndërlidhëse të Kosovës në Beograd për festën e pavarësisë së Republikës së Kosovës. 

Për këtë medium, prania e Biserkos në këtë ceremoni festive është “një provokim”.

Në këtë organizim Biserko është parë në shoqërimin e deputetit shqiptar, Shaip Kamberi dhe Përfaqësuesit të Zyrës Ndërlidhëse të Kosovës atje, Jetish Jasharin.