Gjatë së hënës, presidenti i Shteteve të Bashkuara të Amerikës, Joe Biden, qëndroi për vizitë në Ukrainë ku u takua me presidentin ukrainas, Volodymyr Zelensky.
Ish-ambasadori amerikan në Kosovë Greg Delawie, tha se kjo solli shpresë.
Kjo vizitë atij ia kujton Kosovën, kur Biden në cilësinë asokohe të zëvendëspresidentit e pati vizituar vendin tonë.
“Biden sjell shpresë në Ukrainë. E mbaj në mend kur zëvendëspresidenti Biden solli shpresë në Kosovë duke kaluar një ditë së bashku me ne në Ambasadën në Prishtinë në vitin 2016-të”, tha Delawie.
