Pavarësisht se nuk ishte paralajmëruar dhe thuhej se do të udhëtojë për në Poloni, presidenti amerikan Joe Biden ka arritur tashmë në kryeqytetin ukrainas – Kiev.
Ai është filmuar duke ecur rrugëve të Kievit i shoqëruar nga presidenti ukrainas Volodymyr Zelensky.
Shumë media botërore kanë raportuar nga mëngjesi se Biden mund të vizitojë sot Kievin, por ishte vetëm në suaza të hamendësimit.
Banorët e Kievit nga mëngjesi kanë publikuar video ku shihen masa të rrepta të sigurisë dhe bllokim të shumë rrugëve, duke thënë se është paralajmëruar vizita e një grupi diplomatësh duke mos specifikuar se për këtë bëhet fjalë.
Në videon amatore shihen shumë forca që kanë rrethuar pjesën e qytetit të Kievit që po e viziton Biden, kurse Zelensky në orët e para të mëngjesit ka njoftuar se situata është e rëndë.
Prej fillimit të luftës ishte përfolur vizita e Bidenit në Ukrainë, por deri më sot nuk ka patur asgjë zyrtare për këtë çështje.
Joe Biden, the President of the United States ???????? is in Kyiv! pic.twitter.com/pIcHYk5A1B
— Maria Drutska ???????? (@maria_drutska) February 20, 2023
