Ministri i Punëve të Brendshme, Xhelal Sveçla, ka publikuar pamje të laboratorit të drogës që u shkatërrua nga Policia e Kosovës në Mitrovicë të Veriut.
Sveçlka ka njoftuar se është arrestuar pronari i këtij laboratori, shkruan Reporteri.net.
Ai ka konifrmuar se bashkëpronar i laboratorit tashmë të shkatërruar është personi i cili sulmoi Policinë e Kosovës në Urën e Bistricës muajin e kaluar ndërsa njëri nga të arrestuarit në këtë operacion është edhe vëllau i tij.
“Këto pra janë strukturat kriminale që po i mbrojnë zellshëm Vucic e Petkovic. Çdo tentativë e Serbisë që përmes bandave kriminale të destabilizojë Kosovën është e kotë dhe e dështuar. Qeveria e Kosovës mbetet e përkushtuar maksimalisht që jo vetëm me institucionet e sigurisë por edhe me gjithë shoqërinë të luftojë çdo fenomen negativ dhe të forcojë shtetin e ligjin”, ka deklaruar ai.
