Sipas Dushan Janjiq, themeluesi i Forumit për Marrëdhëniet Etnike në Serbi, deklarata e fundit e ambasadorit rus Aleksandër Botsan-Kharchenko, se pozicioni i Beogradit do të luajë një rol vendimtar në anëtarësimin e mundshëm të Kosovës në Kombet e Bashkuara, ia lë Serbisë “pataten e nxehtë” në dorë.
Janiq e krahason këtë mesazh me ato të ministrit të Jashtëm të Rusisë Sergej Lavrov dhe Vladimir Putin para luftës në Ukrainë, të cilët deklaruan se do të ndiqnin veprimet e Beogradit, por jo në lidhje me qëndrimin e Kosovës në OKB, raporton N1, përcjell Demokracia.com.
Janjiq beson se duke transferuar përgjegjësinë e vendimmarrjes tek presidenti serb Aleksandar Vuçiq dhe qeverisja aktuale serbe, të gjithë anëtarët e koalicionit qeverisës duhet të rishqyrtojnë interesat aktuale të Rusisë.
Sipas Demostatit, Botsan-Kharchenko gjithashtu ka thënë se statusi përfundimtar i Kosovës do të përcaktohet “në kushte të tjera gjeopolitike” pas përfundimit të konfliktit me Perëndimin në Ukrainë dhe se beson se Serbia nuk do ta pranojë planin franko-gjerman.
Janjiq vuri në dukje se Rusia ka qenë relativisht e qetë në Serbi, veçanërisht në lidhje me Kosovën dhe se nga mesazhet e ambasadorit rus konkludon se ai ende e percepton rolin e Rusisë si shumë me ndikim, pothuajse të barabartë me atë të shteteve të QUINT-it.
