Kryetari i Këshillit të Pavarur Mbikëqyrës për Shërbimin Civil, z. Jeton Koca, ka pritur në takim z. Eerik Akse, Udhëheqës i Ekipit – Projekti i Rekrutimit të Pozitave të Larta Drejtuese në Kosovë, së bashku me ekspertet vlerësues, z. Steve Williams dhe z. Gordon Ryan.
Në ketë takim u diskutuan çështjet lidhur me procedurat e rekrutimit të pozitave të larta drejtuese në Shërbimin Civil të Kosovës, me theks të veçantë përgatitja e shpalljeve të rekrutimit dhe proceset e filtrimit të aplikacioneve.
Në fund të këtij takimi të dy palët vlerësuan si shumë të rëndësishëm bashkëpunimin e ndërsjellët dhe njëkohësisht shfaqen gatishmërinë e tyre për vazhdimin e mëtejmë të këtij bashkëpunimi për të siguruar emërimin e udhëheqësve të përgatitur, të pavarur dhe profesionalë në Shërbimin Civil të Kosovës, përmes proceseve rekrutuese transparente dhe të bazuara në meritë.
