Diego Simeone ka folur pas eliminimit prej Copa del Rey të Atletico Madridit.
Kësaj të fundit nuk i ka ndihmuar barazimi 1-1 në Nou Camp të Barcelonës, pasi që në takimin e parë si vendas e kishte humbur me rezultat 2-1.
Trajneri argjentinas pas takimit ka pohuar se do të preferonte një paraqitje jo të mirë të ekipit që drejton dhe arritjen në finale, se sa një ndeshje të bukur dhe në fund eliminim, transmeton Telegrafi.
“Kishim shumë mundësi, kemi krijuar shumë raste. Por, do të preferoja një lojë jo të mirë nga ne, por kalim në finale”, ka deklaruar Simeone.
Ndryshe, Barcelona në finalen e katër rresht do të pret njërën prej skuadrave mes Celta Vigos dhe Alavesit, të cilat sonte do të takohen me fillim në ora 21:00./PrishtinaPress.eu
