Mjekët po kërkojnë që koeficenti të jetë mbi 120 euro.
Kryetarja e FSSHK-së, Tevide Imeri i tha “Front Online”-it se nën këtë vlerë nuk i bie të ketë rritje rroge.
“Kemi dashtë të jetë 132 euro, 50 % e pagës minimale. Megjithatë çka është nën 120 euro është e papranueshme për ne”, tha ajo.
Ata kanë paralajmëruar kundërshti.
“Sigurisht që do të ketë rebelim nëse është nën 120 euro vlera e koeficientit. E kemi pasur një takim me Arben Vitinë, por ai ka thënë se nuk e dinë akoma as ai koeficientin. Jemi në mjegull. Nuk e dimë çka do të ndodh”, u shpreh Imeri.
