Kryetari i Partisë Demokratike të Kosovës, Memli Krasniqi, i ka bërë sot thirrje Qeverisë së Kosovës që të mblidhet me urgjencë dhe të marrë vendim për të ndarë fonde financiare emergjente për komunat e prekura, si dhe t’iu përgjigjet përmbushjes së nevojave të tyre, për sanimin e gjendjes dhe strehimin sa më të shpejtë të njerëzve në shtëpitë e veta.
Krasniqi ka shkruar në faqen e tij në Facebook se koha kërkon veprim me përgjegjësi institucionale e shtetërore dhe sipas tij, Qeveria duhet të marrë përgjegjësinë e saj, sot dhe menjëherë.
