Më 17 shkurt do të mbahet seanca e radhës në Gjykatën Speciale për ish-krerët e UÇK-së, datë kjo edhe kur Kosova shënon 15 vjetorin e pavarësisë.
“Konferenca përgatitore e Prokurorisë së Specializuar do të mbahet më 17 shkurt. Gjykimi të fillojë më 21 mars, nëse nuk ka rrethana përjashtimore”, u shpreh kreu i trupit gjykues, Charles Smith.
Kryetari i OVL-së së UÇK-së, Faton Klinaku ka thënë se kjo mund të çojë në protestë veteranët.
“Seanca në ditë feste, por as për ne nuk do të ketë festë, e me siguri që protestë”, thotë Klinaku.
