A ndiheni sikur frigoriferi juaj po bëhet gjithnjë e më i vogël? Kjo është ndoshta sepse po vendosni gjëra që nuk duhet. Shumë njerëz bëjnë gabim duke ngarkuar frigoriferin me të gjitha blerjet e tyre, por nuk e dinë se në këtë mënyrë u vrasin shijen e shumë ushqimeve.
Më poshtë lexoni se cilat ushqime nuk duhet t’i vendosni në frigorifer:
Produktet e pjekura: Produktet e pjekura në frigorifer kanë tendencë të prishen. I lini jashtë frigoriferit për t’i mbajtur të freskëta.
Patatet: Patatet nuk e pëlqejnë të ftohtin, sepse i kthen niseshtetë në sheqerna dhe ua prish shijen.
Domatet: Bëhen shumë të buta dhe shija e tyre natyrale shkatërrohet.
Qepët: Qepët humbasin shijen e tyre kur vendosen në frigorifer.
Frutat me bërthamë si pjeshkë, kumbulla etj.:Ato kanë nevojë për ajër dhe diell, ashtu si bimët. Vendosini aty ku i bie dielli në mënyrë që të piqen dhe të bëhen të ëmbla dhe të lëngshme.
Pjepri i plotë: Pjepri i vendosur në frigorifer humbet antioksidantët e tyre, të cilët janë përbërësit e tyre më të rëndësishëm.
Mollët: Mbajini mollët jashtë frigoriferit për t’i mbajtur ato të freskëta dhe të shijshme.
Hudhra: Hudhra humbet shijen e saj në frigorifer. Lëreni të gjithë frigoriferin tuaj të nuhasë hudhrën.
Kafe e bluar: Edhe pse është mirë që kokrrat e kafesë t’i mbani të ftohta, nuk duhet t’i vendosni në frigorifer, sepse krijohet lagështi dhe kështu ato prishen dhe humbasin shijen e tyre. Preferoni një enë hermetike.
Salcat e nxehta: I ftohti bën që salcat e nxehta të humbasin shijen e tyre. Gjithashtu ndryshon viskozitetin e tyre, duke e bërë më të vështirë daljen e tyre nga shishja.
Mjalti: Mjalti ëmbëlsohet dhe ngurtësohet në frigorifer. Vendoseni në një dollap për ta mbajtur më gjatë.
Erëzat: I ftohti do të vrasë shijen e tyre, që është vlera e tyre reale.
Vajrat: Vajrat në frigorifer bëhen më të fortë dhe humbasin butësinë e tyre. Vetëm vaji i arrës duhet të vendoset në frigorifer.
Borziloku: Shumë njerëz e vendosin borzilokun në frigorifer, duke besuar se në këtë mënyrë ai do të ruajë shijen e tij. Në fakt, e kundërta është e vërtetë. I ftohti vret shijen. Për më shumë freski mbajeni borzilokun në ujë dhe ndërroni çdo 3 ditë.
Tani e dini se si ta organizoni frigoriferin tuaj. Ushqimi juaj “do t’ju falënderojë”!
