KFOR-i i ka kthyer përgjigje negative Serbisë për kërkesën e saj për kthimin e 1 mijë trupave në Kosovë.
Kështu ka bërë të ditur presidenti i Serbisë, Aleksandar Vuçiqi në një intervistë të dhënë sot në TV Pink.
Vuçiqi duke e zbutur përgjigjen ka thënë se KFOR-i beson që nuk ka nevojë kthimin e trupave serbe në Kosovë.
“Në letrën e tyre të përpiluar me kujdes drejtuar Qeverisë së Serbisë, të cilën e kam marrë edhe unë, ata janë përgjigjur se besojnë se nuk ka nevojë për kthimin e ushtrisë serbe në territorin e Kosovës e M., duke iu referuar Rezolutës 1244. Por, ata nuk i janë referuar pjesës së Rezolutës, pasi nuk kanë të drejtë të refuzojnë kërkesën. Ata i janë thirrur normës për të ruajtur rendin. Kanë bërë një gabim tjetër”, ka thënë Vuçiq.
Ai ka thënë se të gjithë e dinim dhe e prisnim atë përgjigje.
“Këtë e kanë deklaruar në letrën e tyre të përpiluar me kujdes që i kanë dërguar Qeverisë me kërkesë dhe ai e ka marrë përmes kabinetit ushtarak”, ka thënë ai, shkruan Danas.
