Johnny Depp dhe ish-bashkëshortja Amber Heard më në fund kanë zgjidhur pretendimet e tyre për shpifje kundër njëri-tjetrit – duke i dhënë fund divorcit më të bujshëm në Hollywood.
Avokatët e çiftit kanë arritur një marrëveshje mes tyre dhe kompania e sigurimeve të Heard do t’i paguajë Depp-it 1 milion dollarë për t’i dhënë fund çështjes.
Pavarësisht se Johnny e fitoi gjyqin, aktorja nuk ka kufizime se çfarë mund të flasë në lidhje me këtë çështje dhe nuk ka pranuar asnjë faj, bën të ditur Mail Online.
Dyshja janë përfshirë në një betejë të ashpër ligjore në të dy anët e Atlantikut gjatë gjashtë viteve të fundit pasi Heard pretendoi se ajo ishte viktimë e dhunës në familje gjatë martesës së tyre të shkurtër.
Edhe pse gjyqi i zhvilluar më parë në Londër përfundoi në favor të saj, por një rast i dytë në Fairfax, Virxhinia, në fillim të këtij viti doli në anën e Depp.
Aktorja, 36 vjeçe, u urdhërua të paguante 10 milionë dollarë dëmshpërblim dhe 5 milionë dollarë (më vonë u reduktuan në 365,000 dollarë) si dëmshpërblim pas shpifjes gjashtëjavore, ndërsa Depp, 59 vjeç, iu tha që t’i jepte 2 milionë dollarë vendim i marrë nga e njëjta sallë gjyqi pasi Heard e kundërpaditi për shpifje.
Ekipet ligjore të çiftit kanë diskutuar për të shmangur dhimbjen e një gjyqi të tretë të mavijosur pasi Heard paraqiti një apel. Një marrëveshje më në fund u bë gjatë fundjavës me të dyja palët që ranë dakord të japin një deklaratë.
“Amber tani mezi pret të vazhdojë me jetën e saj siç kishte planifikuar të bënte gjashtë vjet më parë”, tha një burim i afërt me aktoren për Mail Online.
“Ajo dëshiron ta lërë pas vetes këtë episod fatkeq dhe të kthehet tek ajo që do në jetë; karrierën e saj, familjen dhe kauzat e saj.’’ /abcnews.al
