“Rritja ekonomike prej 4 deri në 5 % është e pamjaftueshme për shtetet e pazhvilluara, siç është Kosova. Nëse vazhdon ky trend, rritje ekonomike mund të kemi pas një shekulli” . Kështu është shprehur deputeti i pavarur i Kuvendit të Kosovës, Ramiz Kelmendi, në emisionin “Politikë”, në Tribuna Channel.
Kelmendi ka thënë se me këtë rritje ekonomike, prej 32 mijë personave mund të punësohen vetëm 9 mijë, ndërsa pjesa tjetër të dalë në pension pa punuar kurrë.
Ai ndër tjerash tha se shteti mund të zhvillohet vetëm duke ardhur njerëz adekuat, në pozita adekuate.
Kelmendi ka folur për ligjin për investime strategjike.
Ai ka thënë se për këtë ligj ka propozuar që bartës të investimeve të jenë të gjithë ministrat, zv/ministrat, si dhe kryetarët e komunave.
Sipas tij, bartja e investimeve duhet të mos koncentrohet vetëm tek një individ.
