Kryeministri i Kosovës, Albin Kurti, ka reaguar pas raportimeve se dy raketa ruse kanë rënë brenda territorit të Polonisë, duke shkaktuar vdekjen e dy personave.
Kurti ka ngushëlluar Republikën e Polonisë, pasi sot dy persona kanë humbur jetën nga shpërthimi i raketave ruse brenda territorit të Polonisë, afër kufirit me Ukrainën.
“Ngushëllimet e mia për Republikën e Polonisë pasi dy civilë u vranë pranë kufirit polako-ukrainas në mes të sulmit raketor të Rusisë në territorin ukrainas”, ka shkruar Kurti në një postim në Twitter..
“Unë bashkohem me botën demokratike në dënimin e krimeve të luftës të Rusisë dhe bëj thirrje për një hetim të plotë të sulmit”, ka shkruar Kurti.
