Kampioni i Italisë ka fituar me rezultat 1-2 në San Siro sonte, duke përfunduar në vendin e dytë me tetë pikë më pak sesa lideri i Serie A, Napoli. Rafael Leao (2’) dhe Nikola Milenkovic (90+3 autogol) shënuan për Milan kurse Barak (28’) shënoi për Fiorentinën. Për Momentin Milan është në vendin e dytë me 33 pikë, 8 më pak se Napoli dhe tri më shumë se Lazio dhe Inter që ndajnë pozitat tre përkatësisht katër
AC Milan ka shënuar fitore dramatike në fund kundër Fiorentinës sonte në San Siro me rezultat 1-2.
Skuadra e Stefano Piolli erdhi të goli i epërsisë shumë shpejt duke shënuar që në minutën e dytë të ndeshjes.
Giroud pasoi tek Rafael Leao që shënoi për rezultat 1-0 në këtë ndeshje.
Pas goli të pësuar Fiorentina ishin më të mirë dhe disa herë rrezikuan. I pari që rrezikoi ishte Saponara në minutën e tetë por që goditja e tij përfundoi shumë afër shtyllës së majtë të portës së Milanit.
Megjithatë, goli i barazimit erdhi në minutën e 28-të ku Ikone pasoi të Barak që shënoi gol për barazimin e rezultatit.
Giroud e pati rastin e parë për Milan në pjesën e dytë, ku ai goditi por portieri Pietro Terracciano e priti goditjen e tij.
Në minutën e 60-të Fiorentina për një moment e fitoi një penallti por ishte VAR që e anuloi atë.
Rasti i tjetër për Milan do të vinte në minutën e 72-të ku përsëri ishte Giroud që goditi topin jo mirë dhe ai përfundoi jashtë.
Leao pati rastin tjetër në minutën e 78-të por goditja e tij përfundoi mbi portë.
Ikone i Fiorentinës ishte afër për t’i kaluar në epërsi mysafirët por portieri i Milanit bëri një super pritje të mirë.
E kur mendohej që ndeshja po shkonte barazim një krosim i Rebic në zonë dhe një dalje jo e mirë e portierit Pietro Terracciano bën që topi të shkonte në trup të Nikola Milenkovic që shënoi autogol në minutën e tretë shtesë të ndeshjes.
Kjo fitore e dërgon Milanin në kuotën e 33 pikë, 8 më pak se Napoli që është në vendin e parë. Fiorentina mbetet në vendin e 10 me 19 pikë.
Milan kthehet me ndeshje të reja në Serie A më 4 janar ku do të luan si mysafir i Salernitanas, kurse Fiorentina do të këtë punë me Monzan në shtëpi po ashtu më 4 janar.
