Presidenti turk, Recep Tayyip Erdogan ka aluduar në sulm terrorist, derisa ka folur në një konferencë për media pas shpërthimit tragjik në qendër të Stambollit.
“Përpjekjet për ta mposhtur Turqinë dhe popullin turk përmes terrorizmit do të dështojnë sot ashtu siç dështuan dje dhe siç do të dështojnë sërish nesër”, tha Erdogan në një konferencë shtypi, raporton Reuters.
“Njerëzit tanë mund të jenë të sigurt se fajtorët pas sulmit do të ndëshkohen ashtu siç e meritojnë”, tha ai, duke shtuar se informacionet fillestare sugjeronin se “një grua luajti rol” në shpërthim, përcjell Express.
“Vëzhgimet fillestare tregojnë se një grua ka pasur rol në shpërthimin në rrugën Istiklal të Stambollit”, ka deklaruar presidenti turk.
“Do të ishte gabim të thuash se ky është padyshim një sulm terrorist, por zhvillimet fillestare dhe inteligjenca fillestare nga guvernatori im është se ai mban erë terrorizmi”, tha Erdogan.
