Sadio Mane e ka pësuar një lëndim në ndeshjen e fundit që Bayern Muncheni e zhvilloi kundër Werder Bremen në kuadër të Bundesligës në Gjermani.
Lëndimi i Manes, i cili e lëndoi fibulën e djathtë dhe ende nuk dihet a do të jetë gati për të luajtur në Kupën e Botës, ka bërë që të aktivizohen tifozët e tij në internet.
Për ta, një botëror pa senegalezin do të jetë një botëror i kotë. Prandaj, ata kërkuan që të shtyhet kjo garë.
Kështu ata krijuan një peticion ku bënë edhe shpjegimet e tyre se pse duhet të shtyhet ai.
“Futbollisti më i mirë afrikan, Sadio Mane u lëndua, ndaj duhet ta shtyjmë botërorin për të!”, shkruan autori. Tashmë peticioni është shkruar nga më shumë se 500 persona.
Ende nuk dihet saktë se a do të mund të luajë Mane në botëror dhe ai do t’i nënshtrohet edhe disa testeve të dyta ku do të dihet përfundimisht për sa kohë do të jetë jashtë fushave./Prishtinapress/
