A keni menduar ndonjëherë pse Facebook është i njohur me ngjyrën e veçantë të kaltër?
Kjo ngjyrë ka të bëjë me themeluesin e Facebook, Mark Zuckerberg, dhe daltonizmin e tij. Daltonizmi është mungesa e aftësisë për të dalluar disa ngjyra. Në fakt Zuckerberg, në vitet e tij më të hershme, kishte zgjidhur një test të ndjeshmërisë së ngjyrave ku është vërtetuar se ai e dallonte ngjyrën e kaltër më së miri. Pikërisht kjo është arsyeja pse Facebook është me ngjyrë të kaltër, shkruan portal hr.n1.
Megjithatë, kjo nuk është arsyeja e vetme. Facebook nuk është i vetmi rrjet social që është me ngjyrë të kaltër. Keni parasysh Twitter, Skype, WordPress …
Ekspertët e marketingut kanë vlerësuar se ngjyra e kaltër është ngjyra “më miqësore” që i jep çdo përdoruesi një ndjenjë të mirëpritjes.
