Kryeministri i Kosovës, Albin Kurti, ka ftuar në takim liderët e partive opozitare.
Takimi është planifikuar të mbahet këtë të premte.
Nga Aleanca për Ardhmërinë e Kosovës, kanë konfirmuar për Indeksonline se kryetari i këtij subjekti, Ramush Haradinaj do t’i përgjigjet pozitivisht ftesës së kryeministrit Kurti për takim.
Ky takim vjen pas vizitave të shpeshta të Miroslav Lajcak dhe Gabriel Escobar në Kosovë.
Kohëve të fundit është paralajmëruar një dinamizim më i madh i dialogut Kosovë- Serbi si dhe mundësitë për të përmbyllur marrëveshjen përfundimtare mes dy vendeve.
