Lideri i AAK-së, Ramush Haradinaj që po mbahet në Francë shkaku i një urdhërarresti të lëshuar nga Serbia për të, ka falënderuar qytetarët që morën pjesë në protestën e sotme që u mbajt për të në Prishtinë.
Në një postim në rrjetin social Facebook, ka thënë se në rrethana të jashtëzakonshme ka përcjell protestën nga Franca.
“Mbështetjen tuaj të madhe e të pakursyer, gjithandej nëpër Botë, e kuptoj si mbështetje për lirinë dhe egzistencën e Kosovës dhe të secilit prej nesh! Fatin tonë e kemi lidhur me lirinë e përbashkët, dhe unë duke qenë njëri prej Jush, nuk shkel mbi lirinë e popullit tim”, ka shkruar Haradinaj.
