Kryeministri i Kosovës Albin Kurti në një intervistë për gazetën kroate Vecernji list, ka deklaruar se nuk përjashtohet mundësia që të ketë luftë në Kosovë, shkruan Prishtinapress
Kurti ka sjellë në vëmendje stërvitjet e përbashkëta ushtarake të Serbisë dhe Rusisë.
“Nëse nuk ka përgatitje për luftë, atëherë pse vitin e kaluar Serbia dhe Rusia kanë pasur 104 stërvitje dhe aktivitete të përbashkëta ushtarake nga 91 që kishin planifikuar,”, ka thënë Kurti.
Kreu i qeverisë në Kosovë, ka deklaruar po njësoj dhe për të përditshmen italiane “La Repubblica.
Deputeti i Lëvizjes Vetëvendosje (LVV), Mefail Bajqinovci, ka bërë me dije se kurrë mos të thuhet se nuk do të ketë luftë, sepse vet Ukraina ka treguar se Evropa është fragjile.
Në një prononcim për portalin Prishtinapress, ai tha se edhe nëse përmendet ose jo lufta, siguria në Kosovë është e njëjtë
“Çdo herë kur kemi thënë se nuk do të ketë luftë dhe Evropa do të jetë një vend që do të mbrojë shtetet në këtë rast Rusia do të jetë ombrellë, si duket me rastin e Ukrainës po del që kjo nuk është bash qashtu”, shtoi ai .
Më tej, ai shtoi nuk mund të themi asnjëherë se nuk do të ketë luftë, sepse vet Ukraina ka treguar se Evropa është fragjile.
“Kurrë mos të themi se nuk do të ketë luftë, sepse vet Ukraina ka treguar se Evropa është fragjile dhe asnjëherë nuk mund të themi se jemi të sigurt duke e ditur se Serbia është shtet ekspazionist dhe çdoherë në kushtetutën e vet e mban ombrellë, pra e ka Kosovën brenda territorit të vet. Andaj, nuk mund të themi mbi 40 baza për rreth Kosovës dhe gjysmën e arsenalit të ushtrisë serbe, i cili është i fokusuar rreth kufirit të Kosovës se ne jemi të sigurte. Andaj, kryeministri Kurti me vend e ka thënë se Kosova çdo herë është e rrezikuar nga Serbia duke e ditur se gjysma e ushtrisë së Serbisë është rreth kufirit me Kosovë”, përfundoi Bajqinovci për Prishtinapress.
