Mesfushori i Barcelonës, Ivan Rakitic, ka thënë se do të kërcente nga ura për Luis Enrique.
Lojtari është duke biseduar për vazhdimin e kontratës që i përfundon në vitin 2019.
“Luis Enrique më ka ndihmuar pa masë, më ka dhënë besim, sikurse që kanë bërë shokët e ekipit, më lanë të punoj në qetësi”.
“Nëse ai do të më kërkonte të hidhem nga ura, do ta bëjë pa hezituar. Vetëm me një buzëqeshje ai të jep besim dhe pa dyshim suksesi nuk mungon”.
Kroati ka folur edhe për Xavin duke thënë se ai i ka ndihmuar shumë.
“Xavi më ka dhënë shumë. I kam vetëm dy fjalë për të, Faleminderit”, ka thënë Rakitic.
