Policia ka arrestuar tre persona nga fshati Bibaj, në Ferizaj, pasi gjatë një kontrolli në veturë e në shtëpi u janë gjetur substanca narkotike dhe para të gatshme, shkruan Insajderi.
Sipas Policisë, në veturën me të cilën ishin duke udhëtuar ata, janë gjetur dhe konfiskuar rreth 200 gram substancë e dyshuar narkotike e llojit marihuanë.
Ndërsa, në shtëpi janë gjetur dhe konfiskuar edhe 167 gram substancë e dyshuar e llojit marihuanë një sasi e vogël kokainë rreth 880 euro para të gatshme.
“Fsh. Bibaj, Magjistrale Prishtinë-Ferizaj 16.09.2022 – 13:00. Lidhur me rastin janë arrestuar tre të dyshuar meshkuj kosovar pasi gjate kontrollit në veturën me të cilën ishin duke udhëtuar ata, janë gjetur dhe konfiskuar rreth 200 gram substancë e dyshuar narkotike e llojit marihuanë. Me vendim të prokurorit është bërë kontroll në një shtëpi ku janë gjetur dhe konfiskuar edhe 167 gram substancë e dyshuar e llojit marihuanë një sasi e vogël kokainë rreth 880 euro para të gatshme si dhe pajisje tjera. Me vendim të prokurorit të dyshuarit janë dërguar në mbajtje”, thuhet ne raport.
