Një vetaksident ka ndodhur të dielën në bjeshkët e fshatit Strellc të Deçanit ku për pasojë një person ka humbur jetën dhe dy të tjerë janë lënduar.
Policia e Kosovës ka bërë të ditur se deri te vetaksidenti me fatalitet ka ardhur si pasojë se shoferi nuk e kishte përshtatur shpejtësinë me kushtet e rrugës, shkruan Demokracia.com.
“Deri te aksidenti ka ardhur derisa drejtuesi i automjetit ishte duke qarkulluar nga bjeshkët e Strellcit nё drejtim të fshatit Strellc-Deçan, ku me të arritur në kilometrin e pestë (5), duke mos iu përshtatur kushteve të rrugës e humb kontrollin dhe del jashtë rrugës duke u përplasur me një shkëmb. Si pasojë e aksidentit lëndime trupore kanë pësuar i dyshuari dhe dy persona të tjerë, të cilët janë dërguar në spitalin rajonal në Pejë. Nga ekipi mjekësor është konstatuar vdekja e njërit nga të lënduarit të automjetit, ndërsa dy të lënduarit e tjerë janë duke u trajtuar në spitalin rajonal në Pejë”, thuhet në njoftimin e Policisë.
Njoftimi i plotë i Policisë së Kosovës, pa ndërhyrje:
Humb jetën njё person në aksident trafiku
Pejë, 5 shtator 2022
Ju informojmë se me datën 4 shtator 2022, rreth orës 15:45, policia është informuar për një aksident trafiku (vetëaksident) i cili ka ndodhur në bjeshkët e Strellcit.
Në këtë vetëaksident ishte i përfshirë njё automjet VË me targa vendore.
Deri te aksidenti ka ardhur derisa drejtuesi i automjetit ishte duke qarkulluar nga bjeshkёt e Strellcit nё drejtim tё fshatit Strellc-Deçan, ku me tё arritur në kilometrin e pestё (5), duke mos iu përshtatur kushteve tё rrugës e humb kontrollin dhe del jashtë rrugës duke u përplasur me njё shkëmb.
Si pasojё e aksidentit lëndime trupore kanё pёsuar i dyshuari dhe dy persona tё tjerё, tё cilët janë dërguar në spitalin rajonal në Pejё.
Nga ekipi mjekёsor ёshtё konstatuar vdekja e njёrit nga tё lënduarit tё automjetit, ndёrsa dy tё lënduarit e tjerё janё duke u trajtuar në spitalin rajonal në Pejё.
Me urdhër të prokurorit të shtetit trupi i pajetë i viktimës dërgohet në Institutin e Mjekësisë Ligjore në Prishtinë, për obduksion, ndërsa i dyshuari dërgohet në mbajtje.
