Policia e Kosovës ka arrestuar një person në Pejë, menaxher i një agjensioni turistik për mashtrim me bileta të udhëtimit.
Në njoftimin e Policisë thuhet se më 07.08.2022, rreth orёs 14:20, nё Stacionin Policor nё Pejё janё paraqitur tre persona s viktima tё mashtrimit me bileta tё udhёtimit, e mё pas edhe 15 tё tjerё.
Tё njёjtit deklarojnё se nё afate tё ndryshme kohore nё vitin 2022, gjatё sezonit verorё kanё rezervuar bileta tё aeroplanit vajtje-ardhje pёr ta dhe familjarёt e tyre nga shtete tё ndryshme tё Evropës pёr nё Kosovё.
“I dyshuari tё njejtit i ka vёnё nё lajthim me qёllim pёrfitimit personal, duke iu rezervuar bileta vetёm nё njerin drejtim ndёrsa paratё iu ka marrё qytetarёve pёr dy drejtimet.
Pas fillimit tё hetimeve nga Stacioni Policor Pejё, i dyshuari nuk ka qenё i qasshёm dhe ndёrkohё me datё 08.08.2022, nga familjarёt e tij ёshtё paraqitur si person i zhdukur”, thuhet në njoftim.
Pas njё pune intensive tё hetuesve tё Stacionit Policor Pejё, më 11.08.2022, i dyshuari: R.I. i lindur me 1990, ёshtё arrestuar dhe i njëjti pas intervistimit me vendim tё Prokurorit tё shtetit ёshtё ndaluar pёr 48-orё.
