Një aksident trafiku me fatalitet ka ndodhur sot në Rahovec, saktësisht në drejtim të Xërxës.
Si pasojë e këtij aksidenti një person ka humbur jetën shkak i lëndimeve të mëdha që ka pësuar.
Lajmin e ka konfirmuar, Lumni Graishta nga Policia e Kosovës në Gjakovë.
“Po, është aksident me fatalitet. Dy automjete të përfshira, drejtuesi i njërit prej automjeteve të përfshira ka ndërruar jetë si pasojë e lëndimeve” ka deklaruar ai.
Ndërkaq zëdhënësi, Shermet Elezaj ka dhënë detaje të tjera.
Ai ka thënë se aksidenti ka ndodhur rreth orës 11:40.
“Të përfshirë në aksident trafiku kanë qenë dy automjete dhe për pasojë, përveç dëmeve materiale, një person i moshës madhore ka ndërruar jetë (vdekjen e tij e konfirmuar personeli mjekësor në QKMF Rahovec). Një person tjetër ka pësuar lëndime trupore dhe i njëjti, pas trajtimit mjekësor është shoqëruar në polici”, ka thënë Elezaj.
Elezaj ka shtuar se njësitet relevante të policisë kanë dalë në vend-ngjarje si dhe është njoftuar Prokurori i Shtetit i cili po ashtu ka dalë në vendin e ngjarjes. Rasti është duke vazhduar me hetime.
