Policia e Kosovës ka dalë me raport për sulmin ndaj imamit të fshatit Lupç të Podujevës, i cili u rrah rëndë mbrëmjen e të enjtes. Rasti është cilësuar “vrasje në tentativë”, raporton PrishtinaPress.
Sipas raportit 24 orësh, ngjarja ka ndodhur rreth orës 22:00 dhe se për rastin ka njoftuar imami.
Policia ka bërë me dije se janë arrestuar tre të dyshuar, derisa imami është dërguar për tretman mjekësor në Qendrën Klinike dhe Universitare të Kosovës.
“Podujevë 21.07.2022.22:00. Viktima mashkull kosovar ka njoftuar se ishte sulmuar nga tre të dyshuar meshkuj kosovarë. Viktima ka pësuar lëndime trupore dhe është dërguar për tretman mjekësor në QKUK. Lidhur me rastin të dyshuarit janë arrestuar dhe pas intervistimit janë dërguar në mbajtje”, thuhet në raport.
Të dyshuar janë B.M 27 vjec, A.M 28 dhe SH.M .25 vjeç, e që njëherit janë vëllezërit.
