Në orët e para të së dielës mediat raportuan se një inicident ka ndodhur ndaj dy zyrtarëve të policisë dhe disa personave e në mesin e të dyshuarve thuhet se është Nuredin Lushtaku, ish-nënkryetar i Komunës së Skenderajt, bashkë me disa familjarë të tij.
Bashkëpartiakët e tij nga Partia Demokratike e Kosovës nuk kanë krusyer kritikat ndaj veprimit të tij me Polcinë e Kosovës.
Nënkryetarja e PDK-së, Vlora Çitaku i ka thënë Lushtakut “ marre të qoftë Nuredin Lushtaku”.
“Turp të qoftë Nuredin Lushtaku. Me e sulmu policinë e Kosovës duhet të jetë e papranushme në çdo rrethanë” shkruan Çitaku.
Me tutje, ajo ka thënë se askush nuk është mbi ligjin duke u bërë thirrje organeve të rendit që të reagojnë.
“Shpresoj që institucionet të reagojnë në zbatim të ligjit. Banditizmat e tilla nuk duhet të normalizohen. Askush mbi ligjin. Pikë”, tha ajo.
