Komisioneri për Zgjerim i BE-së, Oliver Varhelyi ka falënderuar kreun e opozitës bullgare, Boyko Borisov, që e përkrah hapjen e negociatave për anëtarësim të Maqedonisë së Veriut në Bashkimin Evropian.
Varhelyi thotë se presin që një rrugë të tillë ta ndjek edhe qeveria bullgare, në mënyrë që të ecet përpara me zgjerimin e Bashkimit Evropian.
Bullgaria ka bllokuar procesin e hapjes së negociatave për Maqedoninë e Veriut. Si rezultat, kreu i Qeverisë Shqiptare, Edi Rama, dje ka paralajmëruar se mund të mos marrin pjesë në samitin BE-Ballkan Perëndimor, meqë siç ka shkruar Rama “Bullgaria e ka marrë peng Bashkimin Evropian”, dhe se Tirana e Shkupi duket se do të marrin përsëri një “jo” për punën e anëtarsimit.
