Fondi “Investcorp” nga Bahreini raportohet se janë në bisedime për blerjen e klubit të Milanit.
Një burim i afërt nga bisedimet ka thënë për “Reuters” se marrëveshja për blerjen e klubit italian është afër përfundimit.
Shtatë herë kampioni i Evropës nga pronarët aktualë “Elliott Management Corporation” pritet të shitet për 1.08 miliardë dollarë, duke përfshirë edhe borxhet.
Përfaqësuesit e “Investcorp” dhe “Elliott” nuk pranuan të flasin për “Reuters”, teksa një zyrtar i klubit të Milanit tha: “AC Milan mbetet i foksuar në përmirësimin e performancës në fushë dhe zhvillimin e klubit”.
18 herë kampioni italian pritet të bëhet klubi i parë nga Italia me pronarë nga Lindja e Mesme.
