Kancelari austriak, Karl Nehammer, gjatë vizitës së tij në Serbi ka deklaruar se është i nevojshëm përshpejtimi i procesit të anëtarësimit të Ballkanit Perëndimor në Bashkimin Europian, për të cilin tha se duhet të përcaktohet qartë për këtë çështje.
Nehammer u takua me presidentin serb, Aleksandar Vuçiq, kryeministren Ana Bërnabiq dhe Patriarkun e Kishës Ortodokse Serbe.
Vuçiq i ka folur kancelarit austriak për situatën në rajon, si dhe ka lavdëruar tregtinë me Austrinë, duke thënë se është rritur në vitin 2021.
Nehammer nga Beogradi do të shkojë në Bosnje e Hercegovinë dhe nga atje do të vijë në Kosovë, pasditen e së premtes ku do të takohet me krerët institucionalë.
