Bisedimet mes zyrtarëve rusë dhe ukrainas kanë filluar në Bjellorusi.
Kështu kanë njoftuar autoritetet e shtetit të Ukrainës.
Ukraina shpreson se bisedimet mund të përfundojnë me një armëpushim, raporton skynews.
Këshilltari presidencial ukrainas, Mykhailo Podolyak ka treguar në rrjetet sociale edhe tre pikat e axhendës.
1. Armëpushimi i menjëhershëm
2. Marrëveshje pas armëpushimit
3. Korridoret humanitare për evakuimin e civilëve nga fshatrat/qytetet e shkatërruara apo të granatuara vazhdimisht.
Kujtojmë se ky është ballafaqimi i dyte mes dyjave vendeve që nga koha kur ka filluar agresioni rus në Ukrainë.
Ndryshe, takimi i parë përfundoi pa ndonjë rezultat pasi që palët kishin kërkesa diametralisht të kundërta me njëra-tjetrën.
